Skandapurāṇa Adhyāya 48

E-text generated on February 22, 2017 from the original TeX files of: Bakker, Hans T., Peter C. Bisschop and Yuko Yokochi, eds. The Skandapurāṇa. Vol. IIB. Adhyāyas 31-52. The Vāhana and Naraka Cycles. Critical Edition with an Introduction & Annotated English Synopsis, in cooperation with Nina Mirnig and Judit Törzsök. Leiden/Boston: Brill, 2014.

SP0480010: suśarmovāca|
SP0480011: tamo nāmāparo ghoro narako 'tibhayaṃkaraḥ|
SP0480012: tatra so 'bhipatanneva rākṣasairabhihanyate|| 1||
SP0480021: asimudgaraśaktyagrairgadāmusalapaṭṭasaiḥ|
SP0480022: bhayadaiḥ parighaiṣṭaṅkairvajrairasiparaśvadhaiḥ|| 2||
SP0480031: anyaiśca vividhākārairhataḥ kruddhaiḥ sunirdayaiḥ|
SP0480032: mūrchitastamasā grasto narakaṃ taṃ prapadyate|| 3||
SP0480041: sa dehena vinaṣṭena tamasā mūrchitākṛtiḥ|
SP0480042: duḥkhasaṃtatisaṃbaddho yātanāmaśnute bhṛśam|| 4||
SP0480051: yasmātsa tamasā grasta anāśvasto 'tidāruṇam|
SP0480052: yātanāmaśnute jantustamastasmātsa ucyate|| 5||
SP0480061: sarvā bahuvidhākārā yātanā yāḥ prakīrtitāḥ|
SP0480062: tāstatra samavāpnoti svena pāpena durmatiḥ|| 6||
SP0480071: samāptayātanaścāpi saṃtīrṇaḥ svena karmaṇā|
SP0480072: ucchrayeṣu punarjanturyātyate karmabandhanaḥ|| 7||
SP0480081: brahmahā bhrūṇahā caiva surāpo brāhmaṇaśca yaḥ|
SP0480082: gavāṃ nipāne yaścaiva pipāsūnāṃ narādhamaḥ|| 8||
SP0480091: vighnaṃ karoti mohāndha āhūya ca kṛśaṃ tathā|
SP0480092: brāhmaṇaṃ na dadātyasya arthinaṃ yaśca dūṣayet|| 9||
SP0480101: śāstrāṇi harate yaśca goghno yaśca naraḥ smṛtaḥ|
SP0480102: kapilaśca vṛthādṛṣṭirvedadharmārthadūṣakaḥ|
SP0480103: nāstikāśca durātmāna ityete taṃ prayānti vai|| 10||
SP0480111: ya imaṃ śṛṇuyāttamomayaṃ tamasā nityamatandritendriyaḥ|
SP0480112: na sa yāti tamomayaṃ sadā narakaṃ dāruṇajantuśokadam|| 11||
SP0489999: skandapurāṇe 'ṣṭacatvāriṃśo 'dhyāyaḥ||